اخبار مصر الان |

بعد أزمته مع مشجعي الأهلي.. أمير طعيمة يثير الجدل مجددًا بسبب الشيخ الشعراوي (صور)

     
القاهرة 24       2019/06/08 18:16 PM       عدد المشاهدات : 51 مشاهده

أثار الشاعر الغنائي أمير طعيمة، جدًلا خلال الساعات القليلة الماضية، عقب حديثه عن الشيخ الشعراوي، وتصريحاته عن نكسة يونيو 67.

وقال “طعيمة” خلال منشور على حسابه الشخصي على موقع التواصل الاجتماعي “فيس بوك”: “اذا كنت شايف ان الشيخ الشعراوي جانبه التوفيق او أخطأ في تصريحه عن النكسة و انا معاك علي فكرة، و اذا كنت اختلفت معاه في بعض الآراء فمش معني كده انك تختزل شخص بقيمته في الآراء دي و تنسى كل اللي عمله في حياته.لو هنحاسب كل واحد بالشكل ده محدش هينجو لأننا بشر، و الشيخ الشعراوي مش مقدس و لا فوق النقد و لكنه من وجهة نظري شخص عظيم أثر بالإيجاب علي جيل بحاله أنا منه”.

وتساءل الشاعر الغنائي: “لماذا أصبحنا لا نحترم أراء البعض؟، قائلا:” سؤال: هو ليه مبقيناش بنعرف نختلف و نتناقش و نحترم رأي بعض، ليه الناس بيدخلوا يتخانقوا مع بعض و مع اللي كاتب رأيه. ايه اللي هيحصل لو دخلت قلت رأيك و مشيت و سبت كل واحد يعبر عن رأيه. انت مثلا البروسيسور بتاعك اعلي من البشر فمش عايز تسمع غير نفسك”.

وفي وقت سابق،  هاجم الشاعر الغنائي، أمير طعيمة، النادي الأهلي وجمهوره، وذلك عبر منشور له على “فيس بوك”، أعلن من خلاله كرهه للمارد الأحمر وندمه على أحد أغانيه التي كتبها له.

وكتب طعيمة: “الناس كلهم عارفين اني مش أهلاوي و لا زملكاوي، وان كان احترامي للأهلي ككيان احترام كبير، وعشان تفهموا اللي هقوله كويس لازم تدخلوا علي صفحتي الرسمية وتشوفوا تعليقات جمهور الأهلي المحترم علي آخر بوست رغم أنه بوست فني”.

وتابع: “المختصر المفيد أنا حاليًا ما بكرهش في حياتي قد الأهلي طالما ده جمهوره، هتقولي قلة؟ هقولك رغم ان مفيش تعليق واحد يتوصف بالإحترام لا علي فيس بوك ولا تويتر، بس حتي لو قلة يغوروا بناديهم”.

وواصل الشاعر الغنائي: “وبعلن ندمي واعتذاري لنفسي علي أغنية نادي ا

لمبادئ اللي أهديتها للخطيب في حملته الانتخابية”، مردفًا: “اللي مش عاجبه الكلمتين دول يخرج من عندي عشان ما اخسرش حد علي موضوع تافه”.

واستكمل طعيمة: “ملحوظة مهمة: أنا عمري ما اتكلمت عن الأهلي أو غيره بعدم احترام، بس طبعًا ده كان ياما كان”، مضيفًا: “

تحديث: كلامي واضح أنا قلت إن الأهلي بقي أكتر حاجة بكرهها في حياتي و ما قلتش إني بكره و هكره كل شخص بيشجع الأهلي، أكيد أنا مش مجنون و فيه مقربين مني أهلاوية و أكيد محترمين”.

القاهرة 24 | أثار الشاعر الغنائي أمير طعيمة، جدًلا خلال الساعات القليلة الماضية، عقب حديثه عن الشيخ الشعراوي، وتصريحاته عن نكسة يونيو 67. وقال “طعيمة” خلال منشور على حسابه الشخصي على موقع التواصل الاجتماعي “فيس بوك”: “اذا كنت شايف ان الشيخ الشعراوي جانبه التوفيق او أخطأ في تصريحه عن